कृषि व पदवीधर संघटना

महाराष्ट्रातील राज्य पातळीवरील कृषि व संलग्न पदवीधरांनी, पदविकाधारकांनी स्थापन केलेली राज्यातील सर्वात पहिली बिगर राजकीय असलेली सामाजिक संस्था आहे.महाराष्ट्र शासन सोसायटी नियम १८६० व चॅरिटेबल ट्रस्ट कायदा १९५० या नुसार संचालक मंडळ व संस्थेतील सदस्य पदाधिकारी कार्यरत आहेत.

विद्यार्थी संघटनांच्या तत्कालीन ज्वलंत प्रश्नांच्या माध्यमातून या संस्थेचा जन्म झाला असून,कृषि पदवीधर संघटनेतील देणगीदार सदस्य हे पूर्ण वेळ तसेच स्वयंसेवक पदाधिकारी म्हणून कार्यरत असतात. संस्थेच्या सदस्यांसमोर पदवीधर बांधवांसमोर उभे राहणारे शैक्षणिक, सामाजिक, प्रशासकीय, उद्योजकीय प्रश्न सोडवणे शासन दरबारी ते मांडणे कृषि व पूरक क्षेत्रात सामाजिक उपक्रम राबवणे व या बरोबरच शेतकरी बांधवाना कृषि व समस्त पदवीधरांच्या माध्यमातून कृषि आणि उद्योगात तांत्रिक मार्गदर्शन करणे, उद्योजकतेचा विकास करणे, तसेच शेतकऱ्यांच्या धोरणात्मक प्रश्नात कृषि पदवीधर बांधवांच्या माध्यमातून सहभाग घेणे आणि एकूणच कृषि क्षेत्रात नवनवीन कृषि व पर्यावरण विषयक पूरक उपक्रम, विविध प्रशिक्षणे राबवणे हि विचारधारा संस्थे द्वारे कार्यरत आहे.

संस्थेचे विविध विभाग हे उद्योजकता विकास प्रशिक्षण, आंतरराष्ट्रीय कृषि अभ्यास दौरे व कृषि आणि पूरक क्षेत्रात रोजगार निर्मितीस वाहिलेले आहेत. शेतकऱ्यांचे विविध गट, मंडळे गेल्या पाच वर्षात संस्थेने स्थापन केली आहेत. आंतरराष्ट्रीय कृषि अभ्यास दौऱ्यां करता शेतकऱ्यांचा आणि उद्योजकांचा विश्वास आम्ही सार्थ केलेला आहे. कृषि पदवीधर संघटना कृषि व संलग्न विषयांतील सर्व पदवीधर,पदविकाधारक, शेतकरी बांधवांकरिता राज्यात कृषि, प्रशिक्षण आणि उद्योजकता विकासात अग्रेसर पथदर्शी संस्था आहे. संस्थेच्या विविध विभागांच्या सेवा अल्पावधीत लोकप्रिय ठरल्या आहेत.